Հունաստանում ՀՀ դեսպան Տիգրան Մկրտչյանի արձագանքը ՊԱՍՕԿ կուսակցության նախագահ Նիկոս Անդրուլակիսի հեռախոսազրույցների գաղտնալսման խնդրին

06 օգոստոսի, 2022

Հունաստանում Հայաստանի դեսպանությունը կտրականապես հերքում է հունական մամուլում հայտնված տեղեկությունները, որոնց համաձայն, երկրի առաջատար ընդդիմադիր կուսակցություններից մեկի՝ սոցիալիստների առաջնորդ Նիկոս Անդրուլակիսի հեռախոսում լրտեսական ծրագրերը տեղադրվել են նաև հայկական հատուկ ծառայությունների խնդրանքով: Մեկնաբանելով վերոնշյալ լուրը, դեսպան Մկրտչյանը մասնավորապես նշել է հետևյալը.

«Դա անամոթ սուտ է։

Հայաստանը ԵՐԲԵՔ որևէ կառավարության չի խնդրել՝ գաղտնալսելու որևէ մեկի հեռախոսը։

Այսօր թեմային անդրադարձել է նաև Հունաստանի վարչապետը։ Հայաստանի Հանրապետությունը ոչ իրավական և ոչ էլ բարոյական առումներով չէր կարող դիմել նման քայլի։ Այսիքն, պնդումն ինքնին անգրագիտություն է։ Պարզ է, որ ինչ-որ ուժերի խիստ մտահոգում են Հայաստան-Հունաստան հարաբերությունների մակարդակը և դրանց հետագա խորացումը»։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր